PFDF الٹی میٹ فریسبی، گٹس، ڈسک گالف اور وہیل چیئر الٹی میٹ سمیت مختلف فلائنگ ڈسک کھیلوں کے فروغ کے لیے قومی و علاقائی سطح پر باقاعدہ منصوبہ بندی، روابط اور عملی اقدامات کر رہی ہے۔ اس سلسلے میں فیڈریشن نے متعدد قومی و بین الاقوامی کھیلوں کی تنظیموں اور اداروں سے مسلسل خط و کتابت اور رابطے قائم کیے ہیں تاکہ پاکستان میں فلائنگ ڈسک کھیلوں کو عالمی معیار کے مطابق ترقی دی جا سکے۔

فیڈریشن نوجوانوں، خواتین اور خصوصی صلاحیتوں کے حامل کھلاڑیوں کی شمولیت کو خصوصی اہمیت دیتی ہے اور شفاف انتظامی نظام، منظم ڈھانچے اور کھیلوں کے اخلاقی اصولوں کے تحت کام کر رہی ہے۔ PFDF کا عزم ہے کہ پاکستان میں فلائنگ ڈسک کھیلوں کو مضبوط بنیادوں پر استوار کرتے ہوئے بین الاقوامی سطح پر ملک کی مثبت نمائندگی کی جائے۔

پاکستان فلائنگ ڈسک فیڈریشن کھیلوں کے تمام متعلقہ اداروں، تنظیموں اور کمیونٹیز کے ساتھ تعاون کو خوش آئند سمجھتی ہے تاکہ کھیل کے فروغ کے اس مشترکہ مشن کو مزید مؤثر بنایا جا سکے-